မြန်မာနှင့်ကိုရီးယား သရုပ်ဆောင်များ၏ “အိပ်မက်ဆိုးမှ မနိုးခင်” ဇာတ်လမ်း
ရွှေနေခြည်ကုမ္ပဏီ၊Studio 35 မှစီစဉ်ထုတ်လုပ်၍၀ထ္တု၊ဇာတ်ညွှန်းနှင့်ဒါရိုက်တာတင်သန်းဦးရိုက်ကူးတင်ဆက်သည့်“အိပ်မက်ဆိုးမှမနိုးခင်”ရုပ်မြင်သံကြားဇာတ်လမ်းတွဲကို ဧပြီ (၁၃)ရက်နေ့မှစတင်ရိုက်ကူးခဲ့ပြီးမေလ(၈)ရက်နေ့တွင် ကိုရီးယားမင်းသမီး၏ဇာတ်ဝင်ခန်းများကိုအပြီးသတ်ရိုက်ကူးပြီးစီးမည်ဖြစ်ကြောင်းသိရသည်။ထိုဇာတ်လမ်းတွဲတွင်ရုပ်သံဇာတ်လမ်းတွဲ (၁၄)ပိုင်းနီးပါးပါရှိမည်ဟုသိရပြီးကိုရီးယားမင်းသမီးချောKim A Young (ကင်အာရောင်း)၊ ကိုရီးယားဒါရိုက်တာ Cheom Man bae (ဂျွန်မန်ဘဲ)တို့နှင့်အတူသရုပ်ဆောင်ညီသစ်ထူး၊ Studio 35 မှ သရုပ်ဆောင်သင်တန်းသားသင်တန်းသူများလည်းပူးပေါင်းပါဝင်သရုပ်ဆောင်ထား ကြောင်းလည်းသိရသည်။အဆိုပါဇာတ်လမ်းတွဲ၏ဇာတ်ဝင်ခန်းများကိုတောင်ကြီးအင်းလေး၊ ပုဂံ၊ ညောင်ဦးအစရှိသည့် မြန်မာနိုင်ငံ၏ရှုမောဖွယ်ရာဒေသများတွင်ရိုက်ကူးခဲ့ပြီးကျန်ရှိနေသောဇာတ်ဝင် ခန်းများကို ရန်ကုန်တွင်ဆက်လက်ရိုက်ကူးလျက်ရှိကြောင်းသိရသည်။ “အိပ်မက်ဆိုးမှမနိုးခင်”ဇာတ်လမ်းတွဲတွင်ပါဝင်သရုပ်ဆောင်သည့်ကိုရီးယားမင်းသမီးချောလေးကင်အာရောင်းသည်မြန်မာဘာသာစကားကို အနည်းငယ်တတ်ကျွမ်းနေပြီဖြစ်ပြီး အဆိုပါရိုက်ကွင်းတွင်ပါဝင်ရိုက်ကူး သရုပ်ဆောင်ဝိုင်းတော်သားများကလည်းသူမနှင့်အတူကိုရီးယားစကားကိုအနည်းငယ်စီတတ်ကျွမ်းပြောဆိုနေကြပြီဟုသိရသည။် မြန်မာနိုင်ငံရှိနေရာအနှံ့အပြားသွားရောက်ရိုက်ကူးခဲ့သော ကိုရီးယားမင်းသမီးကင်အာရောင်းသည်မတူညီသော ရာသီဥတုအပြောင်းအလဲကြောင့်အပူရှပ်ခြင်း၊ အအေးမိခြင်းများမှလွဲ၍ကြီးမားသောဖျားနာမှုမျိုးမရှိခဲ့ကြောင်း၊ မြန်မာတို့၏ယဉ်ကျေးမှုထုံးတမ်းအစဉ်အလာများနှင့်မြန်မာမှုကိုကျွမ်းကျင်နေပြီးဖြစ်ကြောင်းသိရသည်။ အဆိုပါ “အိပ်မက်ဆိုးမှမနိုးခင်” ရုပ်သံဇာတ်လမ်းတွဲကိုရိုက်ကူးပုံဖော်ခဲ့သည့်ဒါရိုက်တာတင်သန်းဦးသည်ထိုဇာတ်လမ်းတွဲကိုမရိုက်မီကတည်းက ကိုရီးယားရုပ်ရှင်လုပ်ငန်းနှင့် ကိုရီးယားယဉ်ကျေးမှုသဘောသဘာဝကိုသွားရောက်လေ့လာထားခဲ့ပြီးဖြစ်ကြောင်းသိရသည်။ရိုက်ကူးမှုနှင့်ပတ်သတ်၍ ကိုရီးယားနှင့် မြန်မာရိုက်ကူးမှုများမှာကွာခြားမှုသိပ်မရှိကြောင်း၊အဆိုပါဇာတ်ကားတွင်နာမည်ကြီး သရုပ်ဆောင်များကိုကမ်းလှမ်းခဲ့သော်လည်းရိုက်ရန် အဆင်မပြေကြောင်း ကိုရီးယားမင်သမီးကင်အာရောင်းမှာသရုပ်ဆောင်ပိုင်းတွင်ထက်မြက်သူဖြစ်ပြီးညွှန်ကြားသောဇာတ်ကွက်ကို Reject မရှိချက်ချင်းသရုပ်ဆောင်နိုင်သူဖြစ်ကြောင်းနှင့်အဆိုပါ“အိပ်မက်ဆိုးမှမနိုးခင်”ဇာတ်လမ်းတွဲအားမြန်မာ့အသံရုပ်မြင်သံကြား၌ဖြစ်စေ၊ မြ၀တီရုပ်မြင်သံကြား၌ဖြစ်စေ ထုတ်လွှင့်ပြသရန်စီစဉ်ထားကြောင်းဒါရိုက်တာတင်သန်းဦးကပြောကြားသည်။ Snap Shot Journal
1 comment:
It is really a very informative and interesting article on the topic. You can also try to hire the best dissertation writing services UK to secure better grades for you.
dissertation writing service uk
Post a Comment